تحية السلام عليكم ورحمة الله ............. اما بعد :

شوف ليوم نمدلكم نصيحة شرح كيفاه تراجعو للbac 2015
المهم انا قريت علوم تجريبية وان شاء الله ندي الباك العام هدا يا ربي ... والنصيحة نتاعي نقدمها ليقراو علوم تجريبية...
اولا : الشرح مفصل طريقة راهي ساهلة شوف:...

1/ المرحلة 01 : من بداية العام نوصيكم اقراو الرياضيات +الفزياء + العلوم اقراوهم حتى تاريخ: 10/01/2015.....( خلال هادي المدة ماتقروش بزاف المواد الادبية وانما حاولو تركزو مع الاستاد فقط اما المراجعة منهجية في البيت ركزو على التلت مواد المدكورة ..)
2/ المرحلة 02 : (من 10/01/2015 الى 15/02/2015) شوف في هادي المدة لازمكم تزيدو المواد الادبية وراهي ساهلة (العربية + الانجليزية + المادة اللغة الفرنسية ) لازم ايضا تكملو بنفس الاجتهاد بالنسبة للمواد العلمية علاش اصعب المحاور هي الاخيرة....
3/ المرحلة 03: من 15/02/2015 الى 05/05/2015 ( الباك سبور) ) لازم بالاضافة للمواد الادبية والعلمية تزيدو الموا د نتاع الحفظ.... المادة الاجتماعيات + علوم شرعية ( مادة الفلسفة بالنسبة ليا مانقراهاش وندير تحليل النص وندي 8.5 و راني قانع هه علاش طويلة وتستهلك كتير من الوقت والجهد والمعامل ديالها 2 )
4/ المرحلة 04 : من 05/05/2015 الى 31/05/2015 : في هادي المدة لازمكم تزيدو برك نتوشات على جميع المواد ولازمكم ديرو مراجعة منهجية شاملة للمواد كامل ....
5/ المرحلة 05 : لازمكم تفهو بلي الوقت خلاص ودي قرا قرا بكري... هه كل يوم ديرو طلة خفيفة برك ....

تانيا : ملاحظات عامة :
1/ لاكان لقيتي روحك عيان مكالاه تراجع علاش راك تضرب فالفيد... لازمك تخرج وتبدل الجو
2/ نصحك كترة الدروش مفصلة الخصوصية راهي عندها اتر سلبي ( التزم بمادة فقط )
3/ المناقشة مع صحابك راهي مفيدة كتير
4/ ياجماعة الراحة راهي مهمة كيما التعب
5/ الخوف فالباك هو العدو الاول ديالك والوقت هو العدو التاني مالا رد بالك مليح
6/الطمع دي بزاف راهو فايح لازمك ماتدخلش للباك باه تدي 20 خير ما يصرالك الشوك حاول فقط جمع اكبر عدد من النقاط
7/ الايام الاخيرة من العام راهي تقيلة وانت راح تتوسوس ..مالا لا زمك تتحلى بالصبر والصلاة وحاول ما تفكرش فا لباك بزاف وحاول تخرج من الدار


فالاخير علابالي بلي انتم جدد في ال bac وانشاء الله تعجبكم هادي الملاحظات والنصائح....




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©