تحية السلام عليكم جماعة ان شاء الله تكونو بالف خير حبيت اليوم ندي رايكم في موضوع انا نريمان من مدينة غليزان هاد العام عندي الباك شعبة اداب وفلسفة حقيقة انا نحب قرايتي بزاف ومنحبش الاهمال الحمد لله عندي قدرات وهاد الفصل جبت 14.15 وانا هي ديما الاولى في شعبة الاداب مادة الفلسفة ومشكلتي هاد العام هو انو العام لي فات كانت تقريني استاذة في مادة الفلسفة و كنت نحب نقرا عندها وكنت نجيب ب15 و 16 وهاد العام راه يقريني بروف صعيب وكيما نقولو مزير فنقاط ومن اول الفصل بدا يقوللنا انتوما والو وبهاد النيفو متقدروش تجوزو الباك صحة طلعنا المستوى بصح هو يعني يقوللنا زاد مستواكم انا راني عارفة بلي راه يخوف فينا بس بهاد الهدرة نتاعو وليت ننفر من مراجعة منهجية مادة مادة الفلسفة حقيقة راني نحل الكايي تاعها غير مين يكون عندنا فرض مميز ولا اختبار شامل بصح نجيب اعلى نقطة عندو يعني هو الحد الاعلى عندو 13.5 لوكان متعرف شتتحميل الكتبلو المهم نظن طولت عليكم
راني حابة تقترحو نصيحة ولا حلول لمشكلتي باش نبدا نريفيزي علما انا والله مجبدت الكي تاعها فهاد الفاكونس رغم انو عندي مقالات وتحميل الكتب رائعة وما عليا غير نريفيزي بصح منيش نقدر بليز عطوني نصيحتكم خصوصا انو الباك مبقالو والو ومعامل مادة الفلسفة 6




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©